Include this script into your page along with the iframe for a responsive media embed
Би-би-си билан суҳбатда Имон Каримова ўз онасининг уй ҳибсидан куч билан қайта тутиб олиб кетилганини даъво қилди.nnЎзбекистоннинг марҳум президенти Ислом Каримовнинг невараси 20 ёшли Имонга кўра, онаси Гулнора Каримова бир неча шартлар асосида турмадан уй қамоғига 2018 йил июнида кўчирилганди.nnИмон Каримова Би-би-сига онасининг уй кийимларида куч билан судраб олиб чиқилаётгани тасвирланган видеони тақдим этган.nnВоқеа, унинг айтишича, 5 март куни рўй берган.nnБи-би-сининг бу видеони мустақил манбалардан тасдиқлаш имкони йўқ.nnИмоннинг айтишича, уй ҳибсига ўтказилиш шартларидан бирига кўра, Гулнора Каримова хорижда сақланаётган ўзига тегишли пул ва мулкларни Ўзбекистонга қайтариш бўйича ҳукумат билан ҳамкорлик қилиши керак эди.nnБу шартлар орасида Ўзбекистон ҳукуматида ҳозир қудратда бўлган айрим шахсларнинг номларини зикр этмаслик ҳам бор эди, дейди Имон.
