Include this script into your page along with the iframe for a responsive media embed
Зарбдор туман пахта тозалаш корхонасида йўл қўйилган камомадда айбланиб, 9 март куни ҳибсга олинган жиззахлик 44 яшар Наргиза Жумаева, маҳаллий суднинг 11 март кунги қарори билан вилоятдан чиқиб кетмаслик ҳақида тилхат олиниб, уйига қўйиб юборилди.nnНаргиза Жумаеванинг яқинлари иддаосича, у 2013 йили ажрашган эри, 52 яшар Аббос Мирзиëевдан тўрт фарзанди учун алимент талаб қилгани боис тазйиққа учраган ва жиноий жавобгарликка тортилиши ортида собиқ эрнинг қўли бор.nnНаргиза Жумаеванинг яқинлари унинг тазйиқ остида қолгани далили сифатида бир неча аудиоëзувни Озодликка юборди.nnАудиоëзувларда эркак кишининг «Сени қаматаман» деган овози эшитилади. Аудиоларни жўнатганларнинг иддаосича, овоз Наргиза Жумаеванинг собиқ эри Аббос Мирзиёевникидир. Аммо бу иддаонинг рост-ёлғонлигини тасдиқловчи бошқа маълумот Озодликда йўқ.
