Include this script into your page along with the iframe for a responsive media embed
АҚШ Адлия вазирлиги қошидаги прокуратура идорасининг Нью Йорк жанубий ҳудуди бўйича прокурори 2019 йилнинг 7 март куни Ўзбекистон марҳум президентининг тўнғич қизи Гулнора Каримовага нисбатан расмий айбловларни эълон қилди.nnКаримова қарийб 10 йил давомида турли молиявий схемалар орқали акциялари АҚШ биржасида сотувга қўйилган уч йирик халқаро телеком ширкати – TeliaSonera, VimpelCom ва МTCдан жами 865 миллион доллар пора олганликда айбланмоқда.nnАдлия вазирлиги баëнотида таъкидланишича¸ Каримова АҚШнинг Foreign Corrupt Practices Act (“FCPA”) – Хориждаги коррупцияга қарши кураш ҳақидаги қонунига кўра¸ ҳозирга қадар энг катта пора олганликда айбланган шахсдир.nnМТС Ўзбекистон собиқ директори¸ Каримованинг телеком соҳасидаги асосий одами бўлган Беҳзод Аҳмедов Гулнора Каримовага телеком ширкатларидан пора олишда ëрдам беришда айбланмоқда.nnКаримова ва Аҳмедовнинг иккаласи ҳам порахўрлик схемасини яшириш мақсадида жуда кўп халқаро пул ўтказишлар орқали пул ювиш амалиëтида ҳам айбланмоқда.nnРасмий баëнотда¸ ҳар иккала айбланувчининг АҚШда қўлга олинмагани ва бу айблар судда исботини топмагунча¸ Каримова ва Аҳмедовнинг айбсизлик презумпцияси остида экани айтилган.
