Include this script into your page along with the iframe for a responsive media embed
Бу борадаги шартнома АҚШ давлат котибининг Жанубий ва Марказий Осиё масалалари бўйича ёрдамчиси вазифасини бажарувчи Элис Уэллснинг Бишкекка қилган ташрифи доирасида 25 февраль куни имзоланди.nn- Собиқ президент Қурманбек Бакиевнинг оиласи ўғирлаган 4 миллион 600 минг доллар юзасидан ўтказилган текширув икки давлат ҳукуматларининг, аниқроғи ҳуқуқ-тартибот тузилмаларининг кўп йилик ҳамкорлигининг чўққиси бўлди. Бу пулларнинг қайтарилиши эса икки томонлама муносабатларимизни мустаҳкамловчи омилдир,-деди Элис Уэллс.nnҚирғиз расмийси: Халқдан ўғирланган пулни халққа қайтарамизnnҚирғизистон молия вазири Бактигул Жээнбаева АҚШ қайтараётган маблағ ижтимоий лойиҳалар учун сарфланишини маълум қилди.nn-Бу халқдан ўғирланган пул эканини таъкидлаб ўтмоқчиман. Шунинг учун Қирғизистон ҳукумати бу пулни қонуний эгаси - Қирғизистон халқига қайтариб беради. Бу пул ҳисобидан халқ фаровонлигини таъминлашга қаратилган лойиҳалар амалга оширилади,-деди Бактигул Жээнбаева.nnҚирғизистон молия вазири Бактигул Жээнбаеванинг айтишича, собиқ президент Бакиев оиласи томонидан хорижга жами 250-300 миллион доллар ноқонуний олиб чиқиб кетилган. Қирғиз ҳукумати бу маблағни қайтариш масаласида ҳам иш олиб бормоқда.
