Include this script into your page along with the iframe for a responsive media embed
Бундан бир йил аввал шов-шув билан ўзбек футболидан бир умрга четлатилган мураббий Самвел Бабаяннинг яна унга қайтиши жавоблардан кўп саволларни пайдо қилди. Мухлислар Бабаяннинг қайтишидан эмас, балки Ўзбекистон футбол ассоциациясининг "субутсизлиги" ва нопрофессионаллигидан норози бўлмоқда. nnБир вақтлар Пахтакор ва Миллий терма жамоани бошқарган мутахассис энди Тошкентнинг "Локомотив" клуби президентига маслаҳатчи бўлди. nnБабаяннинг кутилмаганда ўзбек футболига қайтиши кўпчиликни ҳайратлантирган бўлса, қайтишнинг ҳуқуқий асослари эса жавоб ўрнига туганмас саволлар пайдо қилмоқда. nnМаълум бўлишича, 2018 йилнинг 15 январ куни ЎФФ Ижроия Қўмитаси қарори билан бир умрга футболдан четлатилган Самвел Бабаян орадан роппа роса 15 кун ўтиб яна ўзбек футболига қайтарилган. nnЭндиликда Ўзбекистон Футбол ассоциацияси бўлган ташкилот томонидан 27 феврал куни чиқарилган баёнотда айтилишича, бунга Тошкентнинг "Бунёдкор" клуби ёзган кафолат хати сабабчи бўлган экан. nnЭътиборли томони Бабаяннинг 15 кундан сўнг ўзбек футболига қайтарилгани шу вақтгача ҳеч қаерда ошкор қилинмаган. nnБабаяннинг кун.узга айтишича, уни миллий терма жамоада бош мураббий бўлиб ишлаганида кўрсатган ватанпарварлиги учун оқлашган. Ва ЎФАдагилар буни ҳеч кимга ошкор қилмасликни илтимос қилишган. nnБундан ҳатто Бабаянни ортга қайтарган ЎФА Ижроия Қўмитаси аъзоси, ЎФА 1- вице президенти Умид Аҳмаджоновнинг ҳам хабари бўлмаган кўринади. nnАҳмаджонов ўтган йилнинг 20 апрел куни championat.asia сайтига берган интервюсида Бабаян борасида шундай деган.nn"Унинг борасида позициямиз ўзгармайди. Миллий терма жамоадан ўз манфаати йўлида фойдаланган деб ҳисоблаганимиз учун ҳам яқин орада ўзбек футболига қайтаришни режалаштираётганимиз йўқ", деган Умид Аҳмаджонов.nnСавол туғилади, Аҳмаджонов ўзи аъзоси ва бошқарувчиларидан ҳисобланган ЎФФ ижроия қўмитаси қароридан хабари йўқмиди? Хабари бўлган бўлса у жамоатчиликни алдадими? Аҳмаджонов Бабаяннинг қайтганидан хабари бўлмай туриб гапирган бўлса ЎФАни ким бошқаряпти? Ўзбекистон Футбол ассоциацияси футболни бошқаришда қанчалик мустақил?nnЎФАнинг мустақил ташкилот эмаслигига, унга қандайдир кучлар босим ўтказаётган бўлиши мумкинлигига Телеграмда 70 минг ўқувчиси бор блогер Хушнудбек Худайбердиев шубҳа билдирган. nnУ ЎФА томонидан чиқарилган баёнотдан қуйидаги иқтибосни келтирган.nn"ЎФА бундан буён Самвел Бабаян Ўзбекистоннинг ҳеч қайси терма жамоасида фаолият юритишига йўл қўймайди. Қўшимчасига, кейинги фаолиятини Самвел Бабаянсиз тасаввур қила олмаган "Локомотив" футбол клубининг қарорига ҳам қаршилик кўрсатмайди", дейилади. nnҚизиқ, жуда қизиқ., дейди Хушнудбек Худайбердиев. nn"Мана шу банд кўп нарсани айтиб турибди. Демак, тахмин қилсак, ЎФА раҳбарияти ҳалигача Бабаянни кўргани кўзи йўқ, унинг футболга қайтишидан умуман манфаатдормас. Аммо қандайдир «юқори кучлар» босими остида бунга қаршилик қила олишмаганига шаъма қилаётгандек гўё", дея фикр билдиради xushnudbek.uz канали юритувчиси. nnМухлисларнинг кўпчилиги Бабаян можаросида мураббийга эътироз билдирмаган. Уларни жунбушга солаётган нарса Ўзбекистон Футбол ассоциациясининг ўз сўзида турмагани, ўзи чиқарган қарорларга ўзи амал қилмаслиги ва субутсизлиги. nn"Бабаян билан ишим йўқ, ЎФАнинг субутсизлигига ҳайрон қолаяпмиз. Айнан Бабаян мавзусида ЎФАга кимдир босим ўтказган бўлиб чиқяпти. Акс ҳолда улар ўз қарорини 15 кунда ўзгартирмас, уни дисфликациясини бекор қилганини 1 йил бекитиб юрмас эди", деб ёзади твиттер фойдаланувчиларидан бири.nnМухлислар умрбод деб қабул қилган қарорини 15 кунда ўзгартирадиган ва ўзи чиқарган қоидаларга амал қилмайдиган ташкилот ва унинг раҳбарияти керакми йўқми деган саволларни беришмоқда.
