Назарбоев ўзига ворис тайинлаш ҳаракатига тушдими?

Остонадаги ёнғинда беш боланинг қурбон бўлиши ортидан бошланган норозиликлар Қозоғистон ҳукуматининг истеъфога чиқарилиши сабаблардан бири сифатида кўрилмоқда. Истеъфо 80 ёшга яқинлашаётган Президент Нурсултон Назарбоев вориси масаласи билан боғлиқлиги ҳам эътибордан четда эмас.nПрезидент Назарбоев ҳукумат истеъфосини эълон қилар экан, Бош вазир Бақитжон Сагинтаев бошлиқ ҳукумат ўз вазифасини уддалай олмаганини айтган. Бу ўзгариш Қозоғистонда кутилаётган сайловлар, ҳокимият алмашишига доир мулоҳазалар кучайган бир пайтга тўғри келмоқда.nnПрезидент Назарбоев истеъфо сабабларини иқтисодий омилларда кўрган бўлса-да, унинг қозоқ жамиятини ларзага солган фожиага боғлиқлиги ҳақида ҳеч нарса демаган; аммо ҳукумат кам таъминланган аҳоли билан ишлашни йўлга қўя олмаганини эътироф этган.nn4 февраль куни Остонада юз берган ёнғинда бир оиланинг беш фарзанди ёниб кетган эди. Тунда юз берган фожиа пайтида болаларнинг ота-оналари ишда, навбатчиликда бўлишган.nnҚозоқ жамоатчилигини ларзага солган бу фожиа ортидан мамлакатдаги кўп болали оналар ижтимоий шароитларни яхшилаш талаб қилинган норозилик акциясини бошлади.nnФожиа 30 йилдирки Қозоғистонни муқобилсиз бошқариб келаётган Назарбоев ҳокимиятига нисбатан ҳам норозилик тўлқинини кучайтиргани айтилмоқда.

Category : Новости и политика

#Назарбоев#ўзига#ворис#тайинлаш#ҳаракатига#тушдими?