Андижон поликлиникасида газ портлаши оқибатида 18 ўқувчи ва 4 ўқитувчи жароҳатланди

26 февраль куни тонгги соат 10 ларда Андижон шаҳридаги марказий поликлиника қозонхонасида портлаш юз берди.nnВоқеа гувоҳларининг айтишларича, портлаш оқибатида қозонхонага яқин рентген кабинетида бўлган мактаб ўқувчиларидан беш нафари оғир жароҳат олган ва ҳозирда касалхонага ётқизилган.nnДастлабки тахминга кўра, портлашга қозонхонада газ йиғилиб қолгани сабаб бўлган.nnМатбуотга маълумот бериш ваколати йўқлиги учун исми сир қолишини сўраган поликлиника шифокорларидан бири Озодликка воқеа тафсилотларини гапириб берди.nn“Қозонхона поликлиникамизнинг орқа томонида жойлашган. Ўша томондаги рентген кабинети бор. Ўша ерда 4-мактаб ўқувчилари флюрографиядан ўтишаётган эди. Портлаш шунчалик кучли бўлдики, худди бомба тушгандай бўлди. Бутун поликлиника титраб кетди, деразалар чил-чил бўлди. Қозонхонадаги кучли портлаш босими рентгенхона деворларига ҳам зарар етказган. Натижада ўша ердаги ўқувчилардан камида беш нафари қаттиқ жароҳат олди. Ҳозир улар касалхонада”.nnАндижон шаҳар тиббиёт бирлашмасининг ўзини таништирмаган мулозими, поликлиника қозонхонасида портлаш бўлганини тасдиқлади.nn“Ҳозир ҳамма ўша ерда, милиция ҳам, прокуратура ҳам, ўт ўчирувчилар ҳам. Дастлабки тахминларга кўра, қозонхонада йиғилиб қолган табиий газ портлаш сабаби бўлган. Қозонхонага қаровчи ишчининг айтишича, воқеа содир бўлмасдан ярим соат олдин у қозонхонага кириб, ҳаммасини текшириб чиққан экан. Аниқ версияни энди мутахассислар айтишади”, деди мулозим.nnИсми сир қолишини сўраган 4-мактаб ўқитувчиларидан бирининг айтишича, болалардан бир нафари енгил жароҳат олгани учун биринчи ёрдам кўрсатилиб, касалхонадан жавоб бериб юборилган:nn"Қолган тўрт нафарининг жароҳати жиддий. Бир қизбола, уч нафари ўғил бола. Бирининг оёғи сингани учун гипс қилинган, бирининг белига осколка тегиб йиртиб юборган, у тикилган. Биттаси куйиш жароҳати олган, биттаси шокка тушиб қолгани учун ҳозир нейрохирургия бўлимига ётқизилган".

Category : Новости и политика

#Андижон#поликлиникасида#газ#портлаши#оқибатида#18#ўқувчи#ва#4#ўқитувчи#жароҳатланди