Include this script into your page along with the iframe for a responsive media embed
Таниқли венгр драматурги Фридьеш Каринтининг (Karinthy Frigyes 1887- 1938) “Сеҳрли курси” асари Ўзбек давлат сатира театрида илк бор саҳналаштирилиб, 17 февраль куни жамоатчиликка тақдим қилинди. Спектаклни саҳналаштирган режиссер Жўрабек Рўзметов тақдимот арафасида ишдан бўшатилди.nnСатира театрининг бир гуруҳ ижодкорлари Озодликка мурожаат қилиб “ўтирсанг рост гапиртирадиган кресло ҳақида спектакль қўйган режиссер цензура қурбони” бўлганини иддао қилди.nnИсмлари айтилишини истамаган тўрт ижодкорнинг Озодликка билдиришича¸ “спектакль декорациясидаги citi деган ëзув¸ "порахўр мулозимлар"¸ "темир йўллардаги талон-тарож" ҳақидаги репликалар театр раҳбариятига ëқмаган”.nnСатира театри ижодкорларидан бири Озодлик билан микрофонсиз суҳбатда¸ спектаклни саҳналаштирган бош режиссер 31 январь куни ишдан олингани ва “Сеҳрли курси” спектакли қаттиқ танқид қилиниб, тақдимот бошқа кунга кечиктирилганини айтиб берди.nn“Спектаклдаги воқеалар Олий суд раиси¸ Бош вазир ўринбосари ва Тошкент шаҳар ҳокимига қарши тагдор кесатиқ бўлибди. Буни ҳамма билиб турибди, деб спектаклни қайта ишлашга қайтаришди ва беш йилдан бери бош режиссер лавозимида бўлган Жўрабек Рўзметовни ишдан олишди”, - деди суҳбатдош.nnЖорий йилнинг 17 февралида Ўзбек давлат сатира театрида “Сеҳрли курси” спектакли тақдимоти ўтказилди ва ўша куни театр директори Озодлик мухбирига бош режиссёрнинг спектакль учун бўшатилмаганлигини айтиш билан чекланди.
