Эврил Турон: Пойтахтни Жиззахга кўчириш таклифини Ўзбек миллатини ўйлаб айтдим - BBC Uzbek

Таниқли адиб Эврил Турон(Мамадали Маҳмуд) пойтахтни Тошкентдан Жиззах вилоятига кўчириш таклифини илгари сурди.nnЁзувчининг "Олтин ўлка" эссеси Ўзбекистон Миллий Ахборот агентлиги - ЎзА веб-сайтида эълон қилинди.nn"Ўзбекистон иқтисодий қудрат чўққисига чиққанда, Бошкентни мамлакатни нисбатан ўрталиғи бўлмиш – Жиззах ўлкасига кўчириш керак. Хусусан: Ғаллаорол-Булунғур туманлари оралиғидаги бепоён (Юқори нуқтагача) бўшлиққа. Аниғи: Помир тизмаларидан Ғўбдин тоғига қадар ястаниб ётган водийга, гўзал Зомин тоғлари этакларига, Боғдоннинг (Фориш, Фориш туманига Боғдон номи берилса, тарихий ҳақиқат тикланади) Қизилденгиз (Ҳайдаркўл) билан туташган ясси тоғлар оралиғидаги афсонавий чўлларга" деб ёзади Эврил Турон.nn"Тошкент юртимизнинг энг четида қарор топган. Шу ноқулайлик билан бирга лойсувоқ кулбалар пала-партиш ва зич қурилган. Янги бинолар бунёд этиш учун уларни бузиш, кулба эгаларини яшаш жой билан таъминлаш лозим. Бунга қанча пул кетади? Менимча: миллиардлар...nnАгар бошкент Ғаллаорол, Зомин ва ёхуд Боғдон ҳудудларида қурилса, миллиард-миллиард долларлар тежалади. Чунки бузиладиган уйлар йўқ. Ўнлаб Тошкент жойлашадиган бўш ва баҳаво гўзал ерлар мавжуд", деб ёзган ёзувчи.nnАдибнинг пойтахтни кўчириш таклифи социал тармоқларда кенг баҳсу мунозараларга сабаб бўлди.nnАйримлар фикрича, кекса ёзувчи раҳбарларга ёқиш мақсадида ушбу таклифни илгари сурган.nnУшбу фикрга муносабатини сўрадик Эврил Турондан.

Category : Новости и политика

#Эврил#Турон:#Пойтахтни#Жиззахга#кўчириш#таклифини#Ўзбек#миллатини#ўйлаб#айтдим#bbc#uzbek