Андижондаги коллеж ўқитувчисига ўқувчини ҳақорат қилгани учун чора кўрилди

Андижон Транспорт ва хизмат кўрсатиш касб-ҳунар коллежи ўқувчиси Нурмуҳаммад Муталибовни 11 февраль куни психолог хонасига олиб кириб, 35 минут давомида ҳақоратлаган коллеж ўқитувчиси Рашидахон Хатамовага хайфсан берилди.nnКоллеж директорининг Озодликка билдиришича, ўқувчи ҳақоратланаëтган пайтда вазиятни барқарорлаштирмаган коллеж психологи Гуласал Ботировага ҳам "дакки берилган".nnКўрилган чоралар тўғрисида коллежнинг исми айтилмаслигини сўраган директори Озодликка 18 февраль куни маълум қилди. Директорнинг айтишича¸ айб ўқитувчида бўлган:nn- Мен ўша бола тарафидаман. Ота-оналар бизга ишониб топшириб қўйган фарзандларини ҳақорат қилишга ҳаққимиз йўқ. Ўша куни мен касалхонада даволанаëтган эдим. Воқеани эшитиб дарҳол мактабга етиб келдим. Касаба уюшма мажлисини чақириб ўқувчини ҳақоратлаган Рашидахон Хатамова хулқини муҳокама қилдик. У кишига хозирча хайфсан жазоси бердик.nnДиректорнинг айтишича¸ ўқувчининг ота-онаси бу чорани кам деб ҳисоблаган:nn- Бўшатинг у ўқитувчини, деб талаб қўйди онаси. Мавжуд қонунчиликка кўра¸ мен унга олдин хайфсан беришим керак. Ота-онаси айтди, деб ўқитувчини дарҳол бўшатишимга қонун йўл қўймайди.nnЎқувчи Нурмуҳаммад Муталибовнинг ўзи Озодлик билан 18 февраль кунги суҳбатда уни ҳақорат қилган ўқитувчи онасидан кечирим сўраганини айтди:nn- Ўқитувчи онамдан кечирим сўради. Менинг энди ўқитувчига эътирозим йўқ.

Category : Новости и политика

#Андижондаги#коллеж#ўқитувчисига#ўқувчини#ҳақорат#қилгани#учун#чора#кўрилди