Ўзбекистонлик беш аёл Қирғизистонда ҳибс қилинди

Қирғизистоннинг Жалолобод шаҳар суди ўғриликда гумонланиб қўлга олинган ўзбекистонлик беш нафар аёлни тергов якунлангунига қадар эҳтиёт чораси сифатида икки ой ҳибсда сақлаш тўғрисида ҳукм чиқарди.nnЖалолобод шаҳар криминал милицияси бошлиғи Улан Ўмурзақов аёллар 16 февраль куни қўлга олинганини билдирди.nn-Шаҳар ички ишлар бўлимига жалолободлик Шерзод Қамбаров мурожаат қилиб, соат 12лар чамаси унинг тилла тақинчоқлар дўконига ўзбек миллатига мансуб аёллар келишиб, унга сездирмай 350 минг сўмлик (тақрибан 5000 доллар) тилла тақинчоқларни ўғирлаб кетишгани тўғрисида ариза ёзди. Тезкор ҳаракатлар натижасида аёллар Ўзбекистон ва Қирғизистон ўртасидаги “Маданият” чегара назорат -ўтказиш пунктида чегарачилар ва милиция томонидан қўлга олинди,- деди Улан Ўмурзақов.nnҚирғизистон Чегара хизмати матбуот котиби Гулмира Бўрубаева қўлга олинган аёлларнинг барчаси Ўзбекистон фуқаролари эканини тасдиқлади.nnОзодлик радиоси қирғиз хизматининг Жалолободдаги мухбири ўғриликда гумонланаётган икки аёлнинг тергов пайтидаги гапларини ёзиб олган. Қашқадарё вилояти Қарши шаҳрида яшовчи аёл ўғрилик қилганини тан олган ва у билан бирга қўлга олинган аёлларнинг ўғриликка алоқаси йўқлигини билдирган.nn-Бу ерга товар олгани ва юк ўтказгани келган эдик. Магазинга кирдик.Уларнинг ҳеч нарсадан хабари йўқ эди. Ўғриликни мен қилдим, лекин уларнинг айби йўқ, улар билмасди, лекин,-деди бу аёл.

Category : Новости и политика

#Ўзбекистонлик#беш#аёл#Қирғизистонда#ҳибс#қилинди