Президент тақиқига қарамай якшанбада селектор ўтказиш давом этмоқда

Озодликка нусхаси юборилган расмий билдирувда ëзилишича, 17 февраль куни эрталабки соат 10 да Вазирлар Маҳкамасида республика Бош прокурори Отабек Муродов раҳбарлигида видеоселектор йиғилиши ўтказилади.nnФермерларга ерни қачон суғориб¸ унга қачон кимëвий препарат сепиш каби масалаларда йўл-йўриқ бериладиган бу селекторда¸ бутун мамлакатдаги қишлоқ хўжалик сектори раҳбар ва ходимларидан тортиб¸ прокурор ва солиқчилар¸ шунингдек тижорат банклари раҳбарларига қатнашиши шарт қилиб белгиланган.nn14 февраль куни Озодликка бу ҳақдаги “тезкор телефонограмма” нусхасини юборган Тошкент мулозимларидан бири президент топшириғига қарамай¸ мажлисбозликнинг якшанба кунлари тўхтовсиз давом этаëтганидан “кўпчиликнинг тоқати-тоқ бўлгани”ни билдирди.nnФарғоналик фермер эса¸ прокурор ва Тошкентдаги иссиққина кабинетда пўрим кийимда ўтирган бюрократларнинг лой кечиб далада юрган деҳқоннинг вақтини ўғирлаб¸ унга ерни қачон суғориш ва қачон ўғит солишни ўргатишини “ҳақорат” деб атади.nnАйни пайтда Бош прокуратура мамлакат Бош прокурори Отабек Муродовнинг 17 февраль кунги иш тартибига ҳеч қандай видеоселектор киритилмаганини билдирди.

Category : Новости и политика

#Президент#тақиқига#қарамай#якшанбада#селектор#ўтказиш#давом#этмоқда