Полиция бўлимига чақиртирилганидан уч кун ўтиб йўқолган урганчликни яқинлари қидирмоқда

Россиянинг Димитровград шаҳрида йўқолган 37 яшар ўзбекистонлик Темур Қурбоновни яқинлари қидирмоқда. Озодлик билан суҳбатда Темурнинг яқинлари намозхон бўлган бу муҳожир декабрь охирларида маҳаллий полиция назоратига тушганидан кейин йўқолганини айтди.nnМаълум бўлишича, олдинроқ полиция Темурнинг укаси Мансурни Санкт-Петербургда қўлга олиб, Россиядан депортация қилган.nnУльяновск область, Димитровград шаҳрида яшаётган 1982 йилда туғилган урганчлик Қурбонов Темур Одилбековичнинг 2018 йил, 24 декабридан буён қаердалиги номаълум.nnОзодлик билан суҳбатда Темурнинг хотини Гулнора Қутлиева Россияга 3 яшар қизи ва эри билан келгани, Новая Маликла қўрғонида яшаб келган амакиси ҳовлисида қайдга турганини айтади.nn- Қариндошимизнинг уйига регистрация бўлдик, ҳужжатларни қилдик. РВП (Разрешение на временное проживание - таҳр.) олмоқчи эдик. Яна кирди-чиқди қилдик. Кейин патентларга пул тўлагандан кейин шаҳарда квартира ижарага олдик, хўжайиним “Аврора” мебель фабрикасига токарми, слесарми бўлиб ишга кирди расман. Эрталаб 6 ларда ишга чиқиб кетарди. 2018 йилнинг 21 декабрь куни ишдан қайтиб келди ва “Бизни участковой чақираяпти, срочно боришимиз керак!”, деди. Бориб нима учун шаҳар четидаги регистрация жойимиздан чиқиб кетганимиз тўғрисида тушунтириш хати ёздик. Бизни мобил телефонига расмга туширди. Душанба, 24 декабрь куни эрим ишга чиқиб кетди, аммо ўша куни ишга етиб бормаган. Интернет, телефонлари ўчган, хуллас тополмадик, - дейди Гулнора.nnИкки кун ўтиб Гулнора қўл телефонига эрининг номеридан СМС хабар келиб тушганини ёдга олди.

Category : Новости и политика

#Полиция#бўлимига#чақиртирилганидан#уч#кун#ўтиб#йўқолган#урганчликни#яқинлари#қидирмоқда