Include this script into your page along with the iframe for a responsive media embed
Қозон шаҳрида 9 йилдан бери қонуний яшаб келаётган Ўзбекистон ватандоши Раҳимбой Алломов ҳужжатлари ва Россияда ишлаш учун рухсатнома – патентини йўқотгани учун бадарға қилинди. Адвокати Дмитрий Хомич ҳокимият идоралари халқаро келишувларни бузган ҳолда чет эл ватандошини мамлакатдан чиқиб кетишга мажбур қилганини айтмоқда.nnЎзбекистонлик Раҳимбой Алламов 9 йил аввал, энди 20 дан ошган пайти Қозонга ишлагани келган эди.nnШу вақт мобайнида у Россияда қонуний яшаган – вақтинчалик қайддан ўтган ва ишлаш учун патент олиб турган, аммо 5 августда ишдан қайтаётиб, барча ҳужжатларини йўқотиб қўяди.nnШундан сўнг бошоғриқлари бошланиб, икки ойдан сўнг Россиядан чиқариб юборилади.nnУ ўзи яшаб турган туманнинг бир неча жойига эълонлар ёпиштириб чиқади, аммо 3 кун ўтиб ҳам ҳеч қандай дарак бўлмагач, 8 августда полицияга мурожаат қилади.nnАммо полиция унинг ҳужжатлари ўғирлангани юзасидан жиноят иши қўзғатмайди.nnШундан сўнг Алломов Татаристон Республикасидаги Ўзбекларнинг миллий-маданий мухториятига мурожаат қилади.nnУнга уйига қайтиб, паспортини тиклаб келиши учун вақтинчалик гувоҳнома берилади.
